Onser Welt           

                                             A romm ond a nomm isch onser Lebe

                                               viel ko ma dobei wohl erlebe.

                                             Rechnungen kriegsch, aber wie,

                                             wo komme me do wohl no hie?

                               Onser Esse ond Lebensmittel steiget ständig nuff,

                                       des isch wohl en ganz schlechter Bluff!

                                  Benzin ond S-Boh wellet au emmer me verlange,

                                             ganz zu schweige no vom tanke!

                                          Überall wo ma hingot, will mer Geld,

                                           wie got`s bloß zu auf derer Welt!

                                       Zu neie Kleider langst scho längst nemme,

                                       do sitzt ma ganz schee en der Klemme!

                                         Rezeptgebühre schnellet in die Höh,

                                            des isch eifach nemme schee!

                                       Uff die teire Arzneie muss ma verzichte,

                                            kostefrei isch bloß no des Dichte!

                                          Miete, Strom, Wasser ond Gas kann

                                                   ma kaum no verzahle,

                                    zom Schluss muss man sich noch offenbaren.

                                         Uff am Amt wird au bloß no g`kürzt,

                                        die Absage send no salzig g`würzt!

                                Zom Schluss werdet Rente au no ronder g`setzt,

                                          do isch ma no wirklich ganz entsetzt.

                                      Arm ond krank kann ma werde über Nacht

                                        ond hot sei ganz Leben hart geschafft.

                                        So isch des Leben, a romm ond a nomm

                                                         uff derer Welt,

                                         arm dro bisch, wenn aus isch Dei Geld!

                                                             engele